جريدة صيدونيانيوز.نت / خليل المتبولي : تشويش
جريدة صيدونيانيوز.نت / اخبار مدينة صيدا / خليل المتبولي : تشويش
بقلم : خليل إبراهيم المتبولي
- شو ضوّت الكهربا ؟
* لا والله بعد
- شو إيمتى ناوية تضوّي ؟
* ليفقسوها
*******************
- شو معلم رِكْبُو ؟
• إيه زمان ودندلو
- شو ؟ مين ؟
• شو ؟ شو ؟ وشو مين ؟ شو عم تستلمني ؟ سألتني جاوبتك
- إيه سألتك إذا ركبو ؟
• وأنا قلتلك إيه
- حبيبي قصدي العدّادات
• العدّادات !! إيه رِكْبوا تيعدّوا فيهم يللي ركبوا ع أكتافنا ، شفت كيييف؟
*******************
- ليش هيك وجِّك تعبان ؟ كأنّك مش نايمة ؟
• إيه والله مش نايمة كل الليل
- ليش ، خير ؟ هالقد أنا طاوشِك ؟
• إنتَ ؟ شو خصّك إنتَ ؟
- أنّو مش عم تفكري فيي وبحبنا ؟
• قوم بشرفك قوم ، بشو بالك ؟!
- لكن شو في ؟
• كهربا ما في ، وصاحب المولد بالمنطقة طفاه قال بدو يقنن ، قضّيتها الليلة عالشمعة
- عال جو رومانسي ، بخلّيكي تفكري فييّ
• رومانسي كتير مع العقسات ، قوم من وجّي قوم ، بدي نام
- نامي نامي ، كلّو نايم والبلد نايم