جريدة صيدونيانيوز.نت /اخبار مدينة صيدا / خليل المتبولي : تشويش رقم 11 –الرد بالرد
بقلم : خليل إبراهيم المتبولي
- كيف القواعد معك هالأيام ؟
• اشتباكات بداخلها أد ما بدك
- شو يعني في تغيير بالقواعد ؟
• إيه تغيير مباشر وغير مباشر ، حسب القاعدة المفروضة بلحظتها
- والقواعد المفروضة من قبل سيبويه ؟
• مين قصدك عمرو بن عثمان بن قنبر الفارسي
- يا عيني عليك إيه ...
• إيه ،ما هُوِّي من ورا اسمو ، راحوا على اشتباكات وتغيير قواعد
- وفرضوا معادلة جديدة ؟
• صح ، فرضوا معادلة قواعد جديدة
- وشو هيي هالمعادلة ؟
• العين بالعين والسن بالسن والرد بالرد
- يا سلام يعني صارت القصة كف بكف
• إيه هيك الظاهر !
- وشو سمّو هالقواعد الجديدة ؟
• سمّوها معادلة
- معادلة شو ؟ وكيف ؟ على أي قاعدة ؟
• كيف ، وأي قاعدة ؟ بدها بحث مطوّل بس فيني قلك أنو صار في " معادلة فرض قواعد الاشتباك " ...
- أهليييين ...
• أهليين فيك خيي
( ودار الضحك بينهما )
2019-09-02